Deputeti i LDK-së reagon ndaj VV-së: “Qetësohuni se i keni bo do vjet”, “Oj Fitore, mos bërtit moj, a i ke kthyer 200 mijë euro?”

12:50 | 9 Korrik 2025
E.K

Seanca konstituive e Kuvendit të Kosovës e mbajtur të mërkurën u shoqërua me tensione dhe përplasje verbale, ku në qendër të vëmendjes ishte deputeti i Lidhjes Demokratike të Kosovës (LDK), Paris Guri.

Gjatë procedurave për formimin e komisionit të votimit të fshehtë, Guri mori fjalën disa herë, pas ftesës së kryesuesit të seancës, Avni Dehari, për të propozuar një emër nga radhët e LDK-së. Megjithatë, në vend të propozimit, ai reagoi ndaj ndërhyrjeve nga deputetët e Lëvizjes Vetëvendosje (LVV), duke shkaktuar një përplasje të ashpër verbale në sallë.

Deputeti Guri drejtoi disa komente ndaj kolegëve të LVV-së, në veçanti ndaj deputetes Fitore Pacolli, të cilën e akuzoi në mënyrë të përsëritur për një çështje financiare, duke pyetur publikisht nëse kishte “kthyer 200 mijë euro”./Arbresh.info